ಬರೆದದ್ದೇ ಕವಿತೆ

By | February 1, 2011

ಪ್ರತಿದಿನ ಅದೇ ಪ್ಲಾಟ್ ಫಾರ್ಮ್ ನಲ್ಲಿ
ನಿನ್ನ ನನ್ನ ಕಣ್ಣುಗಳು ಮಿಲನವಾಗುತ್ತವೆ
ನೀನು ಮಾತನಾಡುವುದಿಲ್ಲ, ತಲೆ ತಗ್ಗಿಸಿಬಿಡುವೆ,
ನಾನು ಏನೋ ಕಳೆದುಕೊಂಡಂತೆ ಬಸ್ ಹತ್ತುತ್ತೇನೆ

ಮತ್ತೆ ಮರುದಿನ ಅದೇ ಪ್ಲಾಟ್ ಫಾರ್ಮ್
ಮಾತಿಲ್ಲ, ಕತೆಯಿಲ್ಲ, ಕನಸುಗಳು ಮಾತ್ರ
ಗೊತ್ತಾಗದಂತೆ ಮುಗುಳ್ನಗೆಯ ವಿನಿಮಯವಾಗುತ್ತದೆ,
ಕಣ್ಣುಗಳು ಮಿಲನವಾಗುತ್ತವೆ.

ಮತ್ತೆ ಮರುದಿನ ಅದೇ ಪ್ಲಾಟ್ ಫಾರ್ಮ್ ನಲ್ಲಿ
ನಾನು ನೀನು ಮತ್ತೆ ಸೇರುತ್ತೇವೆ
ಕಣ್ಣುಗಳು ಅರಳುತ್ತವೆ, ಮನಸು ಮಾತನಾಡುತ್ತದೆ
ನಾನು ಬಸ್ ಮಿಸ್ ಮಾಡಿಕೊಳ್ಳುತ್ತೇನೆ

ಒಂದೆರಡು ದಿನ ನೋಡದೆ ಇದ್ದರೆ
ಏನೋ ಕಳೆದುಕೊಂಡಂತೆ ಹುಡುಕುತ್ತೇನೆ
ಮತ್ತೆ ಬಂದಾಗ ಮನಸ್ಸು ನಗುತ್ತದೆ,
ಮತ್ತದೇ ಬಸ್ ಬರುತ್ತದೆ, ನಾನು ಹೋಗುತ್ತೇನೆ

ಎಲ್ಲೋ ಹೋಗಿ ಕೆಲವು ದಿನ ಕಳೆದು ಹೋಗಿ
ಮತ್ತೆ ಅದೇ ಪ್ಲಾಟ್ ಫಾರ್ಮ್ ಗೆ ಬರುತ್ತೇನೆ,
ನೀನು ಕಾಣದೇ ಚಡಪಡಿಸುತ್ತೇನೆ
ಪ್ಲಾಟ್ ಫಾರ್ಮ್ ಬದಲಿಸಿ ಬಿಟ್ಟೆಯಾ ಅಂತ ಹುಡುಕುತ್ತೇನೆ

ಮತ್ತೆ ಅವಳು ಬರುತ್ತಾಳೆ, ಕಣ್ಣಿನಡಿ ನಗುತ್ತಾಳೆ
ತಲೆತಗ್ಗಿಸುತ್ತಾಳೆ, ನಾನು ಕದ್ದು ನೋಡುತ್ತೇನೆ
ಅವಳು ಮೆಲ್ಲಗೆ ಬಂದು ಮಾತನಾಡುತ್ತಾಳೆ
ನಿದ್ದೆಯಲ್ಲಿ ಈಗೀಗ ನಾನು ಕನವರಿಸುತ್ತಿದ್ದೇನಂತೆ!

-ಪ್ರವೀಣ ಚಂದ್ರ ಪುತ್ತೂರು

Author: Praveen Chandra Puttur

ಬೆಂಗಳೂರಿನಲ್ಲಿ ಪ್ರಮುಖ ದಿನಪತ್ರಿಕೆಯೊಂದರಲ್ಲಿ ಫುಲ್ ಟೈಂ ಹಿರಿಯ ಉಪಸಂಪಾದಕ. ಪಾರ್ಟ್ ಟೈಂ ಇಂಗ್ಲಿಷ್ ಟು ಕನ್ನಡ ಅನುವಾದಕ. ಸಮಯ ಸಿಕ್ಕಾಗ ವೆಬ್ ಸೈಟ್ ರಚನೆ, ವೆಬ್ ಸೈಟ್ ವಿನ್ಯಾಸ. ಜೊತೆಗೆ ಕರ್ನಾಟಕಬೆಸ್ಟ್.ಕಾಂನ ಸ್ಥಾಪಕ  ಓದುವುದು, ಬರೆಯುವುದು ಇಷ್ಟದ ಕೆಲಸ. ಹೆಚ್ಚಿನ ವಿವರಕ್ಕೆ ನನ್ನ ಬಗ್ಗೆ ಪುಟವನ್ನು ನೋಡಿ

4 thoughts on “ಬರೆದದ್ದೇ ಕವಿತೆ

  1. sharvariyashayari

    ಇಷ್ಟೆಲ್ಲಾ ಓದಿದ ಮೇಲೆ ನಮ್ಮನ್ನು ಕಾಡುವ ಕಟ್ಟ ಕಡೆಯ ಪ್ರಶ್ನೆ…. ಯಾರವಳು? ಹ..ಹ್ಹ..ಹ್ಹ..

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.