Category Archives: ಹನಿಗವನ

ಗೆಳತಿ ಮುಂದೊಂದು ಜನ್ಮವಿದ್ದರೆ

ಮುಂದೊಂದು ಜನ್ಮವಿದ್ದರೆ ನಮ್ಮೂರ ನದಿ ತೀರದಲ್ಲಿ ಜೊತೆಯಾಗಿ ಆಡೋಣ ಗೆಳತಿ ನನ್ನ ಅಂಗಿಗೆ ನಿನ್ನ ಶಾಲ ಕಟ್ಟಿ ಬಿಡದಂತೆ ಕೈಹಿಡಿದು ಜೊತೆಯಾಗಿ ನಡೆಯೋಣ ಗೆಳತಿ ಮತ್ತೊಂದು ಜನ್ಮವಿದ್ದರೆ ಹಾರಂಗಿ ತೀರದಲ್ಲಿ ಹೂವಾಗಿರೋಣ ದಿನದ ಬದುಕು ಮುಗಿಸೋಣ ಗೆಳತಿ ಮತ್ತೂ ಒಂದು ಜನ್ಮವಿದ್ದರೆ ಪಯಶ್ವಿನಿ, ಕುಮಾರಧಾರ ತೀರದಲ್ಲಿ ಪ್ರೀತಿ ಮನೆಕಟ್ಟೋಣ ಗೆಳತಿ ಕಬಿನಿ, ಕಾಳಿ, ಕಾವೇರಿ ತುಂಗಾ, ವೇದಾ, ಶರಾವತಿ, ಭದ್ರೆ ಎಲ್ಲಾದರೂ ಸರಿ, ಜೊತೆಯಾಗಿರೋಣ ಬಾ ಎಂದರೆ ನದಿ ಬಿಟ್ಟು ಬದುಕೋಣ ಬೇಡವೆಂದರೆ ನದಿಯೊಳಗೆ ಬದುಕೋಣ ನದಿತೀರದಲ್ಲೇ ಹುಟ್ಟಿಬರೋಣ ಗೆಳತಿ ಪ್ರತಿಜನ್ಮ… Read More »

ನನ್ನ ಹೃದಯವನ್ನು ನಿನ್ನ ಹೃದಯದಲ್ಲಿಟ್ಟುಕೋ

********* ನೂರಾರು ನೆನಪುಗಳನ್ನು ನೆನಪಿಸಲಾಗದು ನನಗೆ ಅದಕ್ಕೆ ಅವಳ ಹೆಸರನ್ನೊಮ್ಮೆ ಜ್ಞಾಪಿಸಿಕೊಳ್ಳುತ್ತೇನೆ ಸಾವಿರ ನೆನಪುಗಳು ಮೆರವಣಿಗೆ ಹೊರಡುತ್ತವೆ… ******* ನನ್ನ ಹೃದಯವನ್ನು ನಿನ್ನ ಹೃದಯದಲ್ಲಿಟ್ಟುಕೋ ಗೆಳತಿ.. ನನ್ನ ಯಾತನೆ ನಿನಗರಿವಾದೀತು ***** ಮುಂಜಾನೆ ಅರಳಿದ ಹೂವುಗಳು ಸಂಜೆ ನರಳುತ್ತವೆ… ಸಂಜೆ ಅರಳಿದ ಹೂವುಗಳು ಕತ್ತಲಲ್ಲಿ ನರಳುತ್ತವೆ ****** ದಿನಕೊಂದಿಷ್ಟು ಮುಗುಳುನಗು ದಿನಕರನ ನೋಡಿ ಬಿರಿದ್ಹಾಂಗೆ ಮಲ್ಲಿಗೆ ಮೊಗ್ಗು ಅವಳ ನಗು ***** ಈ ಚಿಟ್ಟೆಯ ಸ್ನೇಹ ಸಾಕೆನಿಸಿದರೆ ಹೇಳು ಹೂವೆ.. ನಾನು ಹೋಗುವೆ ಸೂರ್ಯನೆಡೆಗೆ ರೆಕ್ಕೆ ಸುಟ್ಟ ಮೇಲೆ ನಿನ್ನ ಬುಡ… Read More »

ಕವಿತೆ ಬರೆಯಲಾಗದ ಬ್ರಹ್ಮ ನಿನ್ನ ಸೃಷ್ಟಿಸಿದ

ಕವಿತೆ ಬರೆಯಲಾಗದ ಬ್ರಹ್ಮ ನಿನ್ನ ಸೃಷ್ಟಿಸಿದ ಒಂದೇ ಕವಿತೆಗೆ ಹಲವು ಮುಖಗಳಿವೆಯಂತೆ! ನಿನ್ನ ಹಾಗೆಯೇ< ನಿನ್ನ ನೋಡಿದ ನಾನು ಕವಿತೆಯ ಸೃಷ್ಟಿಸಲಾಗದೆ ಒದ್ದಾಡಿದೆ… ನೀನು ಸಿಕ್ಕ ಮೇಲೆ ಕವಿತೆಯಲ್ಲಿ ಮೈ ಮರೆತು ಬಿಟ್ಟೆ ನಾನು ಕವಿತೆಯೇ ಅಲ್ಲದ ಪದಗಳಿಗೆ ಕವಿತೆ ಅಂದುಬಿಟ್ಟೆ ಈಗ ಮಾತನಾಡಲು ನೀನಿಲ್ಲ ನಾನು ಮೌನಿಯಾಗಲೇ ಮತ್ತೆ.. ಈ ಕವಿತೆಯ ಒಂದೊಂದು ಚರಣಗಳಿಗೂ ಸಂಬಂಧವಿಲ್ಲ, ಈಗ ಥೇಟ್ ನಮ್ಮ ಹಾಗೆಯೇ… ಪ್ರೀತಿಯ ವ್ಯಾಲಿಡಿಟಿ ಮುಗಿಸಿಬಿಟ್ಟ ಬ್ರಹ್ಮ ಈಗ ನಿನ್ನ ಹೃದಯದಲ್ಲಿ ಕಲ್ಲನ್ನಿಟ್ಟಿದ್ದಾನೆ

ಅಮ್ಮನ ಕಣ್ಣೀರು

ಬಾನ ಚಂದಿರನ ತಂದು ಕೊಡೆಂದು ಕೇಳಿದ ಮಗುವಿಗೆ ಕಳೆದು ಹೋದ ಇನಿಯನ ಚಂದಿರನಲ್ಲಿ ನೋಡುತಿರುವ ಅಮ್ಮನ ಕಣ್ಣೀರು ಕಾಣಿಸಲಿಲ್ಲ

ಕಹಾನಿ

ಪ್ರೇಮ ಕಹಾನಿ ಬರೆಯಲು ಕುಳಿತಾಗ ಏಳು ಗುಡ್ದದಾಚೆ ಮಮತೆಯ ಗೂಡಲ್ಲಿ ಕಾದು ಕುಳಿತಿಹ ಅಮ್ಮನ ನೆನಪಾಗಿ ಕಾಗದದ ಕಹಾನಿ ಮೇಲೆ ಎರಡು ಕಣ್ ಹನಿ

ಕಣ್ ರೆಪ್ಪೆ ಹೇಳಿದ ಹನಿಗಳು

ನನ್ನನ್ನು ಸದಾ ಹಿಂಬಾಲಿಸುತಿವೆ ನೆರಳು … ಜೊತೆಗೆ ನಿಟ್ಟುಸಿರು..! ********* ಪ್ರೀತಿ ಹಿಮಾಲಯದ ತುತ್ತ ತುದಿಗೆ ತಲುಪಿ ಹಿಂತುರುಗಿ ನೋಡಿದಾಗ ಅಲ್ಲಿ ನೀನರಲಿಲ್ಲ ನಾನು ಕೆಳಕ್ಕೆ ಧುಮುಕಿದೆ ****** ನೀನು ಕೈ ಕೊಟ್ಟಾಗ ಕೇಳಿದ ನಗುವಿನ ಸದ್ದು ನನ್ನದಲ್ಲ.. ವಿಧಿಯದ್ದು .! **** ನೀನು ಚಂದ್ರನ ತಂದು ಕೊಡೆಂದು ಕೇಳಿದ ದಿನ ಅಮಾವಾಸ್ಯೆ