Daily Archives: 13/07/2010

ನಗುವ ಹೂವಿಗೆ..

By | 13/07/2010

ನಗುವ ಹೂವಿಗೆ ದಿನಕ್ಕೊಂದಿಷ್ಟು ಮುಗುಳು ನಗು ದಿನಕರನ ನೋಡಿ.. ಬಿರಿದಾಂಗೆ ಬಳ್ಳಿತುಂಬಾ ಮಲ್ಲಿಗೆ ಮೊಗ್ಗು ಏನೆನ್ನಲಿ ಹುಡುಗಿ ನಿನ್ನ ನಗುವ ಬೆಡಗು ಕಪ್ಪು ಸಮಾಜದ ನಡುವೆ ಕಣ್ಣಾ ಮುಚ್ಚಾಲೆ ಆಟವೇ… ಯಾರಿಗೂ ಕಾಣದಾಂಗೆ ಸ್ಫುರಿಸುವೆ ಮುಗುಳ್ನಗೆಯ ಒಲವ ನೋಟ… ನಿನ್ನೀ ನಗುವಲ್ಲಿ ನೂರು ಮಾತು ನೂರೊಂದು ಮಧುರ ಕಾವ್ಯ.. ಭಾವ ನವಿರೇಳುತಿದೆ ನಲಿದಾಡುತಿದೆ ನವಿಲಾಗಿ ಮನಸ್ಸು… ಒಲವ ರಂಗವಲ್ಲಿ ಚೆಲುವ ರಾಗದಲ್ಲಿ ಅನುರಾಗದ ಕಂಪು ಕಣಜ ನಿನ್ನೀ ಮನ ಮೈಮಾಟದಲ್ಲಿ ಮಳೆ ಬಿಲ್ಲ ಚೆಲುವು… ನಿತ್ಯ ನಗುವ ಮಲ್ಲಿಗೆಯಾಗು ಕನಸ ಮುದ್ದು… Read More »

ಹನಿ ಹನಿ

By | 13/07/2010

ನೆನಪು ನಿನ್ನ ನೆನಪು ಸೂಜಿಮೊನೆ ಎದೆಯಲ್ಲಿ ಚುಚ್ಚಿದ ಹಾಗೆ ಯಾತನೆ ಹೆಜ್ಜೆ ಅವಳ ಹೆಜ್ಜೆ ಸದ್ದಾಗುವುದಿಲ್ಲ ಆದರೆ ಅವಳ ಕಾಲ್ಗೆಜ್ಜೆ ಸುಮ್ಮನಿರುವುದಿಲ್ಲ ತಾಳ ಅಂದಿನ ಹುಡುಗಿಯರ ಹೆಜ್ಜೆಗೆ ಗೆಜ್ಜೆಯ ಸದ್ದಾಗಿತ್ತು ತಾಳ ಇಂದಿನ ಹುಡುಗಿಯರ ಹೆಜ್ಜೆಗೆ ಹೈಹೀಲ್ಡ್‌ನ ಸದ್ದೇ ಬ್ಯಾಂಡುಮೇಳ

ಅಮ್ಮನ ಕಣ್ಣೀರು

By | 13/07/2010

ಬಾನ ಚಂದಿರನ ತಂದು ಕೊಡೆಂದು ಕೇಳಿದ ಮಗುವಿಗೆ ಕಳೆದು ಹೋದ ಇನಿಯನ ಚಂದಿರನಲ್ಲಿ ನೋಡುತಿರುವ ಅಮ್ಮನ ಕಣ್ಣೀರು ಕಾಣಿಸಲಿಲ್ಲ

ಕಹಾನಿ

By | 13/07/2010

ಪ್ರೇಮ ಕಹಾನಿ ಬರೆಯಲು ಕುಳಿತಾಗ ಏಳು ಗುಡ್ದದಾಚೆ ಮಮತೆಯ ಗೂಡಲ್ಲಿ ಕಾದು ಕುಳಿತಿಹ ಅಮ್ಮನ ನೆನಪಾಗಿ ಕಾಗದದ ಕಹಾನಿ ಮೇಲೆ ಎರಡು ಕಣ್ ಹನಿ

ಕಣ್ ರೆಪ್ಪೆ ಹೇಳಿದ ಹನಿಗಳು

By | 13/07/2010

ನನ್ನನ್ನು ಸದಾ ಹಿಂಬಾಲಿಸುತಿವೆ ನೆರಳು … ಜೊತೆಗೆ ನಿಟ್ಟುಸಿರು..! ********* ಪ್ರೀತಿ ಹಿಮಾಲಯದ ತುತ್ತ ತುದಿಗೆ ತಲುಪಿ ಹಿಂತುರುಗಿ ನೋಡಿದಾಗ ಅಲ್ಲಿ ನೀನರಲಿಲ್ಲ ನಾನು ಕೆಳಕ್ಕೆ ಧುಮುಕಿದೆ ****** ನೀನು ಕೈ ಕೊಟ್ಟಾಗ ಕೇಳಿದ ನಗುವಿನ ಸದ್ದು ನನ್ನದಲ್ಲ.. ವಿಧಿಯದ್ದು .! **** ನೀನು ಚಂದ್ರನ ತಂದು ಕೊಡೆಂದು ಕೇಳಿದ ದಿನ ಅಮಾವಾಸ್ಯೆ