ನಗುವ ಹೂವಿಗೆ..

ನಗುವ ಹೂವಿಗೆ

ದಿನಕ್ಕೊಂದಿಷ್ಟು ಮುಗುಳು ನಗು
ದಿನಕರನ ನೋಡಿ..
ಬಿರಿದಾಂಗೆ ಬಳ್ಳಿತುಂಬಾ ಮಲ್ಲಿಗೆ ಮೊಗ್ಗು
ಏನೆನ್ನಲಿ ಹುಡುಗಿ ನಿನ್ನ ನಗುವ ಬೆಡಗು

ಕಪ್ಪು ಸಮಾಜದ ನಡುವೆ
ಕಣ್ಣಾ ಮುಚ್ಚಾಲೆ ಆಟವೇ…
ಯಾರಿಗೂ ಕಾಣದಾಂಗೆ ಸ್ಫುರಿಸುವೆ
ಮುಗುಳ್ನಗೆಯ ಒಲವ ನೋಟ…

ನಿನ್ನೀ ನಗುವಲ್ಲಿ ನೂರು ಮಾತು
ನೂರೊಂದು ಮಧುರ ಕಾವ್ಯ..
ಭಾವ ನವಿರೇಳುತಿದೆ
ನಲಿದಾಡುತಿದೆ ನವಿಲಾಗಿ ಮನಸ್ಸು…

ಒಲವ ರಂಗವಲ್ಲಿ ಚೆಲುವ ರಾಗದಲ್ಲಿ
ಅನುರಾಗದ ಕಂಪು ಕಣಜ
ನಿನ್ನೀ ಮನ ಮೈಮಾಟದಲ್ಲಿ
ಮಳೆ ಬಿಲ್ಲ ಚೆಲುವು…

ನಿತ್ಯ ನಗುವ ಮಲ್ಲಿಗೆಯಾಗು
ಕನಸ ಮುದ್ದು ಬದುಕ ಹಾಳೆಗೆ
ಸಮಾಜದ ಉರಿಯ ನಾಲಗೆಗೆ ಸಿಗದಾಂಗೆ
ಅಕ್ಷಯ ನಗುವಿರಲಿ ನಾಳೆಗೆ..

Author: Praveen Chandra Puttur

ಬೆಂಗಳೂರಿನಲ್ಲಿ ಪ್ರಮುಖ ದಿನಪತ್ರಿಕೆಯೊಂದರಲ್ಲಿ ಫುಲ್ ಟೈಂ ಹಿರಿಯ ಉಪಸಂಪಾದಕ. ಪಾರ್ಟ್ ಟೈಂ ಇಂಗ್ಲಿಷ್ ಟು ಕನ್ನಡ ಅನುವಾದಕ. ಸಮಯ ಸಿಕ್ಕಾಗ ವೆಬ್ ಸೈಟ್ ರಚನೆ, ವೆಬ್ ಸೈಟ್ ವಿನ್ಯಾಸ. ಜೊತೆಗೆ ಕರ್ನಾಟಕಬೆಸ್ಟ್.ಕಾಂನ ಸ್ಥಾಪಕ ಓದುವುದು, ಬರೆಯುವುದು ಇಷ್ಟದ ಕೆಲಸ. ನನ್ನ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆಯಲು ಇಲ್ಲಿ ಕ್ಲಿಕ್ಕಿಸಿ ಧನ್ಯವಾದ

2 thoughts on “ನಗುವ ಹೂವಿಗೆ..

  1. ವಜ್ರೋತ್ತಮ

    ಹುಣ್ಣಿಮೆ ಚಂದಿರನ ಗೆಳೆಯ ಚೆನ್ನಾಗಿದೆ. ನಿಮ್ಮ ಕವನ, ಮಾತ್ರವಲ್ಲ ಬ್ಲಾಗು… all the best

    Reply
    1. praveen chandra

      thanks soorya. agagga bartha iru illige

      Reply

Leave a Reply

This site uses Akismet to reduce spam. Learn how your comment data is processed.