ಈ ಮಾಹಿತಿ ತಂತ್ರಜ್ಞಾನ ಯುಗದಲ್ಲಿ ಮಾಹಿತಿ ವ್ಯವಸ್ಥೆ ಭದ್ರತಾ ವೃತ್ತಿಪರರಿಗೆ ಸಖತ್ ಬೇಡಿಕೆಯಿದೆ. ನಿಮ್ಮಲ್ಲಿ (ಐಐಸಿ)2 ನೀಡುವ ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಇದ್ದರೆ ಉದ್ಯೋಗ ದೊರಕುವ ಮತ್ತು ಉದ್ಯೋಗದಲ್ಲಿ ಬೆಳೆಯುವ ಅವಕಾಶ ಹೆಚ್ಚು. ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಕುರಿತು ಹೆಚ್ಚಿನ ಮಾಹಿತಿ ಇಲ್ಲಿದೆ.
CISSP ಎಂದರೇನು?
CISSP ಎಂಬುದು (ISC)² – International Information System Security Certification Consortium ಸಂಸ್ಥೆ ನೀಡುವ, ಐಟಿ ಭದ್ರತೆ ಕ್ಷೇತ್ರದ ಪ್ರಖ್ಯಾತ ಅಂತಾರಾಷ್ಟ್ರೀಯ ಪ್ರಮಾಣಪತ್ರವಾಗಿದೆ. ಇದು ಭದ್ರತಾ ತಜ್ಞರ ಪರಿಣತಿಯನ್ನು ಮಾನ್ಯಗೊಳಿಸುತ್ತದೆ ಮತ್ತು ಜಾಗತಿಕ ಮಟ್ಟದಲ್ಲಿ ಮಾನ್ಯತೆ ಹೊಂದಿದೆ.
ಹೇಗಿರುತ್ತೆ ಪರೀಕ್ಷೆ?
ಸಿಐಎಸ್ಎಸ್ಪಿ ಪರೀಕ್ಷೆಯು ಕಂಪ್ಯೂಟರ್ ಆಧರಿತ ಪರೀಕ್ಷೆಯಾಗಿದ್ದು, ಹೆಚ್ಚಿನ ಮಾಹಿತಿಗೆ (ಐಎಸ್ಸಿ)2 ವೆಬ್ಸೈಟ್(www.isc2.org)ಗೆ ಭೇಟಿ ನೀಡಬಹುದು. ಪರೀಕ್ಷಾ ಅವಧಿ 6 ಗಂಟೆ. ಒಟ್ಟು 250 ಪ್ರಶ್ನೆಗಳಿರುತ್ತವೆ. ಬಹುಆಯ್ಕೆ ಮತ್ತು ಅಡ್ವಾನ್ಸಡ್ ಇನ್ನೋವೇಟಿವ್ ಮಾದರಿಯ ಪ್ರಶ್ನೆಗಳು ಇರುತ್ತವೆ. ಸಾವಿರ ಅಂಕಗಳಲ್ಲಿ ಒಟ್ಟು 700 ಅಂಕ ಪಡೆದರೆ ಈ ಸರ್ಟಿಫಿಕೇಷನ್ ಪಡೆಯುಬಹುದು. ಇಂಗ್ಲಿಷ್, ಫ್ರೆಂಚ್, ಜರ್ಮನ್ ಇತ್ಯಾದಿ ಭಾಷೆಗಳಲ್ಲಿ ಪರೀಕ್ಷೆ ಬರೆಯಬಹುದು.
ಪರೀಕ್ಷೆಯ ವಿವರ
- ಪರೀಕ್ಷೆ ಮಾದರಿ: ಕಂಪ್ಯೂಟರ್ ಆಧಾರಿತ
- ಅವಧಿ: 6 ಗಂಟೆಗಳು
- ಪ್ರಶ್ನೆಗಳ ಸಂಖ್ಯೆ: 250 (Multiple Choice + Advanced Innovative Type)
- ಅಂಕಗಳPassing Score: 700 out of 1000
- ಭಾಷೆಗಳು: ಇಂಗ್ಲಿಷ್, ಫ್ರೆಂಚ್, ಜರ್ಮನ್ ಇತ್ಯಾದಿ
- ಅಧಿಕೃತ ವೆಬ್ಸೈಟ್: www.isc2.org
ಪರೀಕ್ಷೆಗೆ ತರಬೇತಿ
ಸಿಐಎಸ್ಎಸ್ಪಿ ಪರೀಕ್ಷೆಗೆ ಸಿದ್ಧತೆ ನಡೆಸಲು ಹಲವು ಸಂಸ್ಥೆಗಳು ತರಬೇತಿ ನೀಡುತ್ತಿವೆ. ಆನ್ಲೈನ್ನಲ್ಲಿ ಕಲಿಯಲು ಬಯಸುವವರು ಬೆಂಗಳೂರು ಮೂಲದ ಆನ್ಲೈನ್ ತರಬೇತಿ ತಾಣ ಸಿಂಪ್ಲಿಲರ್ನ್ ವೆಬ್ಸೈಟ್ಗೆ ಹೋಗಿ ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಎಂದು ಹುಡುಕಬಹುದು. ಗೂಗಲ್ನಲ್ಲಿ ಸಿಐಎಸ್ಎಸ್ಪಿ ಎಂದು ಹುಡುಕಿ ನಿಮಗೆ ಇಷ್ಟವಾಗುವಂತಹ ಸಂಸ್ಥೆಗಳಲ್ಲಿ ತರಬೇತಿ ಪಡೆಯಬಹುದು.
ಇದನ್ನೂ ಓದಿ: ಎಸ್ಎಸ್ಎಲ್ಸಿ, ಪಿಯುಸಿ ಬಳಿಕ ಮುಂದೇನು? ಇಲ್ಲಿವೆ 80+ ಕರಿಯರ್ ಆಯ್ಕೆಗಳು
ಉದ್ಯೋಗವಕಾಶ ಹೇಗಿದೆ?
ಈ ಕುರಿತು ಸ್ಪಷ್ಟನೆ ಪಡೆಯಲು ನೀವು ಲಿಂಕ್ಡ್ಇನ್, ನೌಕ್ರಿಡಾಟ್ಕಾಂ, ಟೈಮ್ಸ್ ಜಾಬ್ ಡಾಟ್ ಕಾಂ ಅಥವಾ ಇನ್ನಿತರ ಯಾವುದಾದರೂ ಜಾಬ್ ಪೋರ್ಟಲ್ಗೆ ಹೋಗಿ ಸಿಐಎಸ್ಎಸ್ಪಿ ಜಾಬ್ಸ್ ಎಂದು ಹುಡುಕಿ. ಅಗಾಧ ಪ್ರಮಾಣದ ಉದ್ಯೋಗಗಳು ನಿಮ್ಮ ಮುಂದೆ ಬರುತ್ತವೆ. ಸೈಬರ್ ಭದ್ರತೆಗೆ ಸಂಬಂಧಪಟ್ಟ ಶೇಕಡ 50ಕ್ಕಿಂತಲೂ ಹೆಚ್ಚಿನ ಉದ್ಯೋಗಗಳಿಗೆ ಈಗ ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಹೊಂದಿರುವುದು ಕಡ್ಡಾಯವಾಗಿದೆ. ಐಟಿ ಅಥವಾ ಸೈಬರ್ ಭದ್ರತಾ ವಿಭಾಗದ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳುವಾಗ ಹೆಚ್ಚಿನ ಕಂಪನಿಗಳು ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಇದ್ದವರಿಗೆ ಮೊದಲ ಆದ್ಯತೆ ನೀಡುತ್ತವೆ. ಹೆಚ್ಚಿನ ಮಾಹಿತಿಗೆ ಭೇಟಿ ನೀಡಬೇಕಾದ ವೆಬ್ಸೈಟ್ ವಿಳಾಸ: isc2.org/certifications/cissp
ಈ ಸರ್ಟಿಫಿಕೇಷನ್ ಯಾರು ಪಡೆಯಬಹುದು?
ಸಿಐಎಸ್ಎಸ್ಪಿ ಸರ್ಟಿಫಿಕೇಷನ್ ಅನ್ನು ಯಾರು ಬೇಕಾದರೂ ಪಡೆಯಬಹುದು. ಆದರೆ, ಈ ಮುಂದೆ ತಿಳಿಸಿರುವ ಕ್ಷೇತ್ರದಲ್ಲಿ ಇರುವವರಿಗೆ ಹೆಚ್ಚು ಪ್ರಯೋಜನಕಾರಿ. ಐಟಿ ಭದ್ರತಾ ಸಲಹೆಗಾರರು, ಭದ್ರತಾ ವ್ಯವಸ್ಥಾಕರು, ಐಟಿ ನಿರ್ದೇಶಕರು/ವ್ಯವಸ್ಥಾಪಕರು , ಭದ್ರತಾ ಅಡಿಟರ್, ಭದ್ರತಾ ಆರ್ಕಿಟೆಕ್ಟ್, ಭದ್ರತಾ ವಿಶ್ಲೇಷಕರು, ಸೆಕ್ಯುರಿಟಿ ಸಿಸ್ಟಮ್ಸ್ ಎಂಜಿನಿಯರ್, ಮುಖ್ಯ ಮಾಹಿತಿ ಭದ್ರತಾ ಅಧಿಕಾರಿ, ಭದ್ರತಾ ನಿರ್ದೇಶಕರು, ನೆಟ್ವರ್ಕ್ ಆರ್ಕಿಟೆಕ್ಟ್ ಇತ್ಯಾದಿ ಕ್ಷೇತ್ರದಲ್ಲಿ ಇರುವವರು ಈ ಸರ್ಟಿಫಿಕೇಷನ್ ಪಡೆಯಬಹುದು.
ಈ ಕೆಳಗಿನ ವೃತ್ತಿಯಲ್ಲಿ ಇರುವವರಿಗೆ CISSP ಅತ್ಯಂತ ಉಪಯುಕ್ತ:
- ಐಟಿ ಭದ್ರತಾ ಸಲಹೆಗಾರರು
- ಸೆಕ್ಯುರಿಟಿ ಆರ್ಕಿಟೆಕ್ಟ್ಗಳು
- ಐಟಿ ನಿರ್ದೇಶಕರು/ಮ್ಯಾನೇಜರ್ಗಳು
- ಸೆಕ್ಯುರಿಟಿ ಅನಾಲಿಸ್ಟ್ಗಳು
- Chief Information Security Officers (CISO)
- ನೆಟ್ವರ್ಕ್ ಆರ್ಕಿಟೆಕ್ಟ್ಗಳು
ಇಂಟರ್ನೆಟ್ನಲ್ಲಿ ಸುರಕ್ಷಿತವಾಗಿರಿ
ಈಗ ಮೊಬೈಲ್, ಕಂಪ್ಯೂಟರ್ಗಳಲ್ಲಿ ಎಲ್ಲರೂ ಇಂಟರ್ನೆಟ್ ಬಳಸುತ್ತಿದ್ದಾರೆ. ಇಲ್ಲಿ ಹ್ಯಾಕರ್ಗಳು ನಿಮ್ಮ ಮಾಹಿತಿ, ಬ್ಯಾಂಕ್ ಪಾಸ್ವರ್ಡ್, ಕ್ರೆಡಿಟ್ ಕಾರ್ಡ್ ನಂಬರ್, ತೆರಿಗೆ ದಾಖಲೆಗಳ ಮಾಹಿತಿಯನ್ನು ಕದಿಯಲು ಹೊಂಚು ಹಾಕುತ್ತಿರುತ್ತಾರೆ. ಇಲ್ಲಿ ಸುರಕ್ಷಿತವಾಗಿರಲು ಒಂದಿಷ್ಟು ಸಲಹೆಗಳು ಇಲ್ಲಿವೆ.
- ಕಠಿಣ ಪಾಸ್ವರ್ಡ್: ದೊಡ್ಡಕ್ಷರ, ಸಣ್ಣ ಅಕ್ಷರಗಳು, ಸಿಂಬಲ್ಗಳು, ಅಂಕಿಗಳನ್ನು ಬಳಸಿ ಸ್ಮಾರ್ಟ್ಆದ ಪಾಸ್ವರ್ಡ್ ರಚಿಸಿ. ಇಂತಹ ಕಠಿಣ ಪಾಸ್ವರ್ಡ್ಗಳನ್ನು ಹ್ಯಾಕರ್ಗಳು ಸುಲಭವಾಗಿ ಕದಿಯಲು ಸಾಧ್ಯವಿಲ್ಲ.
- ಇಮೇಲ್ನಲ್ಲಿ ಪ್ರಮುಖ ಮಾಹಿತಿ ರವಾನೆ ಬೇಡ: ನಿಮ್ಮ ಕಂಪ್ಯೂಟರ್ನಲ್ಲಿ ಉತ್ತಮ ಸುರಕ್ಷಿತ ಸಾಫ್ಟ್ವೇರ್ ಇದ್ದರೂ, ನಿಮ್ಮ ಇಮೇಲ್ ಸ್ವೀಕರಿಸುವವರಲ್ಲಿ ಅಂತಹ ವ್ಯವಸ್ಥೆ ಇಲ್ಲದೆ ಇರಬಹುದು. ಹೀಗಾಗಿ ಪಾಸ್ವರ್ಡ್, ಬ್ಯಾಂಕ್ ಖಾತೆ ಮಾಹಿತಿ, ಕ್ರೆಡಿಟ್ ಕಾರ್ಡ್ ಇತ್ಯಾದಿಗಳನ್ನು ಇಮೇಲ್ನಲ್ಲಿ ರವಾನಿಸುವುದನ್ನು ಅವಾಯ್ಡ್ ಮಾಡಿ.
- ಆನ್ಲೈನ್ ಶಾಪಿಂಗ್: ಇಂಟರ್ನೆಟ್ ಶಾಪಿಂಗ್ ತಾಣಗಳಲ್ಲಿ ವಸ್ತುಗಳನ್ನು ಖರೀದಿಸುವಾಗ ಎಚ್ಚರವಿರಲಿ. ಆನ್ಲೈನ್ ಮೂಲಕ ಹಣ ಪಾವತಿ ಮಾಡುವಾಗ ಯುಆರ್ಎಲ್ನಲ್ಲಿ ಎಚ್ಟಿಟಿಪಿ ಇದೆಯೇ ನೋಡಿಕೊಳ್ಳಿ. ಅಸುರಕ್ಷಿತವೆಂದು ಎನಿಸಿದರೆ ಖರೀದಿಸಲು ಹೋಗಬೇಡಿ. ಆನ್ಲೈನ್ ಖರೀದಿಯಲ್ಲಿ ‘ಕ್ಯಾಶ್ ಆನ್ ಡೆಲಿವರಿ’ ಆಯ್ಕೆ ಮಾಡಿಕೊಳ್ಳುವುದು ಉತ್ತಮ.
- ಸ್ಕ್ಯಾಮರ್ಗಳ ಬಗ್ಗೆ ಎಚ್ಚರ: ತೆರಿಗೆಯ ಉಳಿಕೆ ಹಣ ಪಡೆಯಿರಿ, ಲಾಟರಿಯಲ್ಲಿ ಬಹುಮಾನ ಬಂದಿದೆ ಎಂಬಿತ್ಯಾದಿ ಇಮೇಲ್ಗಳಿಗೆ ಮಾರುತ್ತರ ನೀಡಲು ಹೋಗಬೇಡಿ. ಇವು ಅಸಲಿ ವೆಬ್ಸೈಟ್ಗಳನ್ನೇ ಹೋಲುತ್ತವೆ. ಆದರೆ, ನಿಮ್ಮ ಬ್ಯಾಂಕ್ ಖಾತೆಯಿಂದ ನಿಮಗೆ ತಿಳಿಯದಂತೆ ದುಡ್ಡು ಕದಿಯುತ್ತವೆ.
- ಮೆಕಾಫಿ ಇತ್ಯಾದಿ ಭದ್ರತಾ ಸಾಫ್ಟ್ವೇರ್ಗಳನ್ನು ನಿಮ್ಮ ಕಂಪ್ಯೂಟರ್ಗಳಿಗೆ ಅಳವಡಿಸಿ. ನಿಯಮಿತವಾಗಿ ನಿಮ್ಮ ಕಂಪ್ಯೂಟರ್ ಅನ್ನು ಇಂತಹ ಆ್ಯಂಟಿ ವೈರಸ್ ಸಾಫ್ಟ್ವೇರ್ಗಳಿಂದ ಸ್ಕ್ಯಾನ್ ಮಾಡುತ್ತ ಇರಿ. ಆನ್ಲೈನ್ನಲ್ಲಿ ಸುರಕ್ಷಿತವಾಗಿ ವ್ಯವಹರಿಸಿ.
ಇಲ್ಲಿಗೆ ಭೇಟಿ ನೀಡಿ: ವಿವಿಧ ಸರ್ಟಿಫಿಕೇಷನ್ ಕೋರ್ಸ್ಗಳ ಕುರಿತು ಕರ್ನಾಟಕ ಬೆಸ್ಟ್ ಲೇಖನಗಳು