ಏನಿದು ಪ್ರೊಬೆಷನರಿ ಪಿರೆಯಿಡ್‌? ಈ ಅವಧಿಯಲ್ಲಿಹೇಗೆ ಕೆಲಸ ಮಾಡಬೇಕು? ಇದು ಯಾಕೆ ಮುಖ್ಯ? ಹೊಸದಾಗಿ ಕೆಲಸಕ್ಕೆ ಸೇರುವವರು ಈ ಅವಧಿಯಲ್ಲಿಹೇಗಿರಬೇಕು ಮತ್ತು ಹೇಗಿರಬಾರದು? ಇದು ಕರ್ನಾಟಕ ಬೆಸ್ಟ್‌ ವಿಶೇಷ.
ಹೊಸ ಕಂಪನಿಗೆ ಸೇರುವುದು ಫ್ರೆಷರ್ಸ್‌ಗಳಿಗೆ ಮಾತ್ರವಲ್ಲದೆ ಅನುಭವಿಗಳಿಗೂ ಆತಂಕ ತರುವ ಸಂಗತಿ. ಕಂಪನಿಗಳು ಸಹ ಫ್ರೆಷರ್‌ ಆಗಿರಲಿ, ಹತ್ತಿಪತ್ತು ವರ್ಷ ಅನುಭವಿಯಾಗಿರಲಿ, ಮೊದಲ ಆರು ತಿಂಗಳು ‘ಪ್ರೊಬೆಷನರಿ ಅವಧಿ’ ಎಂಬ ಅನಿವಾರ‍್ಯ ಆಯ್ಕೆಯನ್ನು ಮುಂದಿಡುತ್ತದೆ.
ಆದರೆ, ಕಂಪನಿಗೂ, ಉದ್ಯೋಗಕ್ಕೆ ಸೇರುವವರಿಗೂ ಪ್ರೊಬೆಷನರಿ ಅವಧಿ ಎನ್ನುವುದು ಅತ್ಯುತ್ತಮ ಸಂಗತಿಯಾಗಿದೆ. ಕಂಪನಿಗೆ ನೀವು ಇಷ್ಟವಾಗದೆ ಇದ್ದರೆ ಕಂಪನಿ ನಿಮ್ಮನ್ನು ಕಾಯಂಗೊಳಿಸದೆ ಇರಬಹುದು. ಹೊಸ ಕಂಪನಿಯ ವಾತಾವರಣ ನಿಮಗೂ ಸೂಕ್ತವೆಂದೆನಿಸದೆ ಇದ್ದರೆ ಪ್ರೊಬೆಷನರಿ ಅವಧಿಯಲ್ಲಿಹೆಚ್ಚುವರಿ ರಗಳೆ ಇಲ್ಲದೆ ಕೆಲಸ ಬಿಡಬಹುದು.
Probationary Period ಅರ್ಥವೇನು?
ಪ್ರೊಬೆಷನರಿ ಅವಧಿಯೆಂದರೆ ಟ್ರಯಲ್‌ ಅವಧಿಯೆಂದರ್ಥ. ಹೊಸ ಸಂಸ್ಥೆಯಲ್ಲಿನೀವು ಹೊಸ ಉದ್ಯೋಗಿಯಾಗಿ ಕಾರ್ಯನಿರ್ವಹಿಸಬೇಕು. ಕಂಪನಿಗೂ ನಿಮಗೂ ಪರಿಸ್ಥಿತಿಯನ್ನು ಸರಿಯಾಗಿ ಅರ್ಥಮಾಡಿಕೊಳ್ಳಲು ಒಂದು ಅವಕಾಶ. ನೀವು ಕಂಪನಿಗೆ ಸೂಕ್ತವಾಗಿರುವಿರೇ ಅಥವಾ ಆ ಕಂಪನಿ ನಿಮಗೆ ಸೂಕ್ತವಾಗಿರುವುದೇ ಎಂದು ಜಡ್ಜ್‌ ಮಾಡಲು ಇದು ಸೂಕ್ತ ಸಮಯವಾಗಿದೆ. ಈ ಅವಧಿಯಲ್ಲಿನೀವು ಸೂಕ್ತವೆನಿಸಿದರೆ ಮಾತ್ರ ಕಂಪನಿಯು ನಿಮ್ಮನ್ನು ಕಾಯಂ ಅಥವಾ ರೆಗ್ಯುಲರ್‌ ಉದ್ಯೋಗಿಯಾಗಿ ನೇಮಕ ಮಾಡಿಕೊಳ್ಳಲಿದೆ.
Probationary Period ಎಷ್ಟು ಅವಧಿ ಇರುತ್ತದೆ?
ಒಂದೊಂದು ಕಂಪನಿಯ ಪ್ರೊಬೆಷನರಿ ಅವಧಿ ಒಂದೊಂದು ರೀತಿ ಇರುತ್ತದೆ. ಕೆಲವು ಕಂಪನಿಗಳಲ್ಲಿ3 ತಿಂಗಳು, ಇನ್ನು ಕೆಲವು ಕಂಪನಿಗಳಲ್ಲಿ6 ಅಥವಾ 8 ತಿಂಗಳು ಮತ್ತು ಇನ್ನು ಕೆಲವು ಕಂಪನಿಗಳ ಪ್ರೊಬೆಷನರಿ ಅವಧಿ 1 ವರ್ಷ ಇರುತ್ತದೆ.
Probationary Period ಅವಧಿಯಲ್ಲಿಏನಾಗುತ್ತದೆ?
ಪ್ರೊಬೆಷನರಿ ಅವಧಿಯಲ್ಲಿ ಸಂಬಂಧಪಟ್ಟ ಉದ್ಯೋಗವನ್ನು ಅಥವಾ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಲು ನಿಮ್ಮಿಂದ ಸಾಧ್ಯವಾಗುತ್ತಿದೆಯೇ ಎಂದು ಉದ್ಯೋಗದಾತರು ಅಥವಾ ಮ್ಯಾನೇಜರ್‌ ನಿಮ್ಮನ್ನು ಮೌಲ್ಯಮಾಪನ ಮಾಡುತ್ತಾರೆ. ಇದರೊಂದಿಗೆ ಇತರೆ ಉದ್ಯೋಗಿಗಳ ಜೊತೆ ಹೊಂದಾಣಿಕೆ, ಸಂಬಂಧಪಟ್ಟ ಉನ್ನತಾಧಿಕಾರಿಗಳ ಜೊತೆ ಸಂವಹನ ಮತ್ತು ಉದ್ಯೋಗಿಯ ಒಟ್ಟಾರೆಯ ವರ್ತನೆಯನ್ನು ಒರೆಗೆ ಹಚ್ಚಲಾಗುತ್ತದೆ.
ಇನ್ನೊಂದು ರೀತಿಯಲ್ಲಿ, ಹೊಸ ಉದ್ಯೋಗಿಯೂ ತನಗೆ ಈ ಕಂಪನಿ ಸೂಕ್ತವೇ ಅಥವಾ ಈ ಜವಾಬ್ದಾರಿಯನ್ನು ನಿಭಾಯಿಸಲು ನನ್ನಿಂದ ಸಾಧ್ಯವಿದೆಯೇ ಅಥವಾ ಇದು ನನಗೆ ಸೂಕ್ತವಾದ ಉದ್ಯೋಗವೇ ಎಂದು ಮೌಲ್ಯಮಾಪನ ಮಾಡಲು ಪ್ರೊಬೆಷನರಿ ಅವಧಿಯನ್ನು ಬಳಸಿಕೊಳ್ಳಬಹುದು.
ಒಟ್ಟಾರೆ ಪ್ರೊಬೆಷನರಿ ಅವಧಿಯ ಕೊನೆಯಲ್ಲಿಉದ್ಯೋಗಿಯ ಕೆಲಸವು ತೃಪ್ತಿದಾಯಕವಾಗಿಲ್ಲದೆ ಇದ್ದರೆ ಕಂಪನಿಯು ಉದ್ಯೋಗಿಯ ಕಾಂಟ್ರಾಕ್ಟ್ ಅವಧಿಯನ್ನು ಮುಂದುವರೆಸದೆ ಇರಬಹುದು. ಉದ್ಯೋಗಿಗೆ ಕಂಪನಿಯು ಇಷ್ಟವಾಗಿಲ್ಲದೆ ಇದ್ದರೆ ಕೆಲಸ ಬಿಟ್ಟು ಹೋಗಿ ಇನ್ನಷ್ಟು ಉತ್ತಮ ಪರಾರ‍ಯಯ ಆಯ್ಕೆಗಳತ್ತ ಮುಖ ಮಾಡಬಹುದು.
Probationary Periodನಲ್ಲಿ ವೇತನ ಇರುತ್ತದೆಯೇ?
ಪ್ರೊಬೆಷನರಿ ಅವಧಿಯಲ್ಲಿಯೂ ವೇತನ ನೀಡಲಾಗುತ್ತದೆ. ಕೆಲವು ಕಂಪನಿಗಳು ಈ ಅವಧಿಯಲ್ಲಿಕೊಂಚ ಕಡಿಮೆ ವೇತನ ನೀಡಬಹುದು. ಪ್ರೊಬೆಷನರಿ ಅವಧಿ ಮುಗಿದ ಬಳಿಕ ವೇತನ ಹೆಚ್ಚಿಸಬಹುದು. ಇನ್ನು ಕೆಲವು ಕಂಪನಿಗಳು ಪ್ರೊಬೆಷನರಿ ಅವಧಿಯಲ್ಲಿಯೇ ಸೂಕ್ತ ವೇತನ ನೀಡಬಹುದು. ಕೆಲವೊಂದು ಕಂಪನಿಗಳು ಈ ಅವಧಿಯಲ್ಲಿಉದ್ಯೋಗಿಗಳಿಗೆ ವಿಮೆ, ಇತರೆ ಪ್ರಯೋಜನಗಳು ಮತ್ತು ಸೌಲಭ್ಯಗಳನ್ನು ಒದಗಿಸದೆಯೂ ಇರಬಹುದು.
ಸರಕಾರಿ ಉದ್ಯೋಗಗಳಲ್ಲಿಪ್ರೊಬೆಷನರಿ ಅವಧಿಗೆ ನಿಖರವಾಗಿ ವೇತನ ನಿಗದಿಪಡಿಸಲಾಗಿರುತ್ತದೆ. ಖಾಸಗಿ ಕಂಪನಿಗಳು ಅಂತಹ ಭರವಸೆ ನೀಡುವುದಿಲ್ಲ. ಹೀಗಾಗಿ, ಪ್ರೊಬೆಷನರಿ ಅವಧಿಯಲ್ಲಿನಿಮಗೆ ದೊರಕುವ ಸೌಲಭ್ಯಗಳು, ವೇತನಗಳು, ಸಾರಿಗೆ, ಮೆಟರ್ನಿಟಿ ರಜೆ ಇತ್ಯಾದಿಗಳನ್ನು ಚರ್ಚಿಸಿ ಮುಂದುವರೆಯುವುದು ಉತ್ತಮ.
Probationary Period ಯಾಕೆ ಮುಖ್ಯ?
ಪ್ರೊಬೆಷನರಿ ಅವಧಿಯನ್ನು ಪೂರ್ಣಗೊಳಿಸುವುದು ಯಾಕೆ ಅವಶ್ಯ ಎನ್ನುವ ಒಂದಿಷ್ಟು ಅಂಶಗಳನ್ನು ಇಲ್ಲಿನೀಡಲಾಗಿದೆ.
* ಮಾಹಿತಿಯುಕ್ತ ನಿರ್ಧಾರ ಕೈಗೊಳ್ಳಲು
ಪ್ರೊಬೆಷನರಿ ಅವಧಿ ಒಂದಿಷ್ಟು ಕಠಿಣವಾಗಿರಬಹುದು. ಆದರೆ, ಉದ್ಯೋಗದ ಒಳಿತು ಮತ್ತು ಕೆಡುಕುಗಳನ್ನು ಅವಲೋಕಿಸಲು ಇದು ಸೂಕ್ತ ಸಮಯವಾಗಿರುತ್ತದೆ. ನಿಮ್ಮಲ್ಲಿತಾಳ್ಮೆ ಇಲ್ಲದೆ ಇದ್ದರೆ ಬೇಗನೆ ಕೆಲಸ ಬಿಟ್ಟು ಹೋಗಬಹುದು. ಆದರೆ, ಭವಿಷ್ಯದಲ್ಲಿಇದು ಉತ್ತಮ ಅವಕಾಶವೂ ಆಗಿರಬಹುದು. ಹೀಗಾಗಿ, ಪ್ರೊಬೆಷನರಿ ಅವಧಿಯಲ್ಲಿಯಾವುದೇ ಅವಸರ ಮಾಡದೆ ತಾಳ್ಮೆಯಿಂದ ಪರಿಸ್ಥಿತಿಯನ್ನು ಅವಲೋಕಿಸುವುದು ಉತ್ತಮ.
* ಕಲಿಯಲು ಮತ್ತು ಕೌಶಲ ಹೆಚ್ಚಿಸಲು
ನಿಮ್ಮಲ್ಲಿರುವ ಕೌಶಲಗಳನ್ನು ಒರೆಗೆ ಹಚ್ಚಲು ಈ ಅವಧಿ ಅತ್ಯಂತ ಸೂಕ್ತವಾಗಿದೆ. ಈ ಸಮಯದಲ್ಲಿಉದ್ಯಮವು ನಿಮಗೆ ಕಂಪನಿಗೆ ಅವಶ್ಯವಿರುವ ವಿವಿಧ ಕೌಶಲಗಳನ್ನು ಕಲಿಸುತ್ತ ಇರುತ್ತದೆ. ಇತ್ತೀಚಿನ ಬದಲಾವಣೆಗಳು, ಹೊಸ ಕೌಶಲಗಳು ನಿಮ್ಮದಾಗುತ್ತದೆ.
* ನಿಮ್ಮ ಕೌಶಲ ಮತ್ತು ಸಾಮರ್ಥ್ಯ ಪ್ರದರ್ಶಿಸಲು
ಸಂಸ್ಥೆಯೊಂದಕ್ಕೆ ನಿಮ್ಮ ಸಾಮರ್ಥ್ಯ ಮತ್ತು ಕೆಲಸ ಮಾಡುವ ಇಚ್ಛೆಯನ್ನು ಪ್ರದರ್ಶಿಸಲು ಇದು ಸೂಕ್ತ ಸಮಯವಾಗಿದೆ. ಅಂದರೆ, ಡೆಡ್‌ಲೈನ್‌ನೊಳಗೆ ಕೆಲಸ ಪೂರ್ಣಗೊಳಿಸುವುದು, ಕೆಲಸದ ಹೊರೆಯನ್ನು ನಿಭಾಯಿಸುವುದು, ಜವಾಬ್ದಾರಿಯುತ ಸಹೋದ್ಯೋಗಿಯಾಗಿರುವುದು… ಹೀಗೆ ಸಾಕಷ್ಟು ವಿಭಾಗಗಳಲ್ಲಿನಿಮ್ಮ ಸಾಮರ್ಥ್ಯ ತೋರ್ಪಡಿಸಬಹುದು.
* ಫಸ್ಟ್‌ ಇಂಪ್ರೆಷನ್‌ ಮೂಡಿಸಲು
ಕಂಪನಿಯೊಂದಕ್ಕೆ ಫಸ್ಟ್‌ ಇಂಪ್ರೆಷನ್‌ ಮೂಡಿಸಲು ಪ್ರೊಬೆಷನರಿ ಅವಧಿ ಅತ್ಯಂತ ಸೂಕ್ತವಾಗಿದೆ. ಈ ಸಮಯದಲ್ಲಿನಿಮ್ಮ ಪ್ರತಿಭೆ ಇಷ್ಟವಾದರೆ ಕೊನೆಯವರೆಗೂ ಇಂತಹ ಭರವಸೆಯನ್ನು ಕಂಪನಿಯೊಂದಿಗೆ ಉಳಿಸಬಹುದು.
* ಪೂರ್ಣಕಾಲಿಕ ಉದ್ಯೋಗದ ಲಾಭ ಪಡೆಯಲು
ನೀವು ಸಮರ್ಥವಾಗಿ ಈ ಅವಧಿಯನ್ನು ಮುಗಿಸಿದರೆ ಬಳಿಕ ನಿಮ್ಮ ಕೆಲಸ ಕಾಯಂ ಆಗುತ್ತದೆ. ಅತ್ಯಧಿಕ ವೇತನ, ಪ್ರಮೋಷನ್‌, ಆರೋಗ್ಯ ವಿಮೆ ಇತ್ಯಾದಿ ಪ್ರಯೋಜನಗಳು ನಿಮ್ಮದಾಗುತ್ತವೆ. ಜೊತೆಗೆ, ಕಂಪನಿಯು ಬಳಿಕ ನಿಮ್ಮನ್ನು ತಾತ್ಕಾಲಿಕ ಉದ್ಯೋಗಿ ಅಥವಾ ಫ್ರೆಷರ್‌ ರೀತಿಯು ಭಾವಿಸುವುದಿಲ್ಲ.
* ಉದ್ಯೋಗ ಭದ್ರತೆ ಮತ್ತು ಗುರಿ ಸಾಧಿಸಲು
ಹಣಕಾಸು ಪ್ರಯೋಜನಗಳನ್ನು ಹೊರತುಪಡಿಸಿಯೂ ಕಾಯಂ ಉದ್ಯೋಗದಲ್ಲಿಸಾಕಷ್ಟು ಲಾಭವಿದೆ. ಮುಖ್ಯವಾಗಿ ಉದ್ಯೋಗ ಭದ್ರತೆ ದೊರಕುತ್ತದೆ. ಈ ಅವಧಿಯನ್ನು ಪೂರ್ಣಗೊಳಿಸುವುದರಿಂದ ನೀವು ನಿಮ್ಮ ಕರಿಯರ್‌ ಗುರಿಗಳ ಕುರಿತು ಹೆಚ್ಚು ಸ್ಪಷ್ಟತೆ ಹೊಂದಬಹುದು. ಮತ್ತು ಆ ಗುರಿ ಸಾಧಿಸಲು ಇನ್ನಷ್ಟು ಪ್ರಯತ್ನ ಪಡಬಹುದು.
ಅವಧಿಯ ವಿಸ್ತರಣೆ
ಕೆಲವೊಮ್ಮೆ ಕಂಪನಿಯು ನಿಮ್ಮ ಪ್ರೊಬೆಷನರಿ ಅವಧಿಯನ್ನು ವಿಸ್ತರಿಸಬಹುದು. 6 ತಿಂಗಳು ಇದ್ದ ಪ್ರೊಬೆಷನರಿ ಅವಧಿಯು 1 ವರ್ಷವಾಗಬಹುದು. ವಿವಿಧ ಕಾರಣಗಳಿಗೆ ನಿಮ್ಮ ಪ್ರೊಬೆಷನರಿ ಅವಧಿಯನ್ನು ವಿಸ್ತರಿಸಲು ಮ್ಯಾನೇಜರ್‌ ಅಥವಾ ಉದ್ಯೋಗದಾತರು ಉದ್ದೇಶಿಸಬಹುದು. ಅವುಗಳೆಂದರೆ,
* ಉದ್ಯೋಗಿಯ ಕಾರ್ಯಕ್ಷಮತೆಯನ್ನು ಸರಿಯಾಗಿ ಮೌಲ್ಯಮಾಪನ ಮಾಡಲು ನಿಗದಿತ ಪ್ರೊಬೆಷನರಿ ಅವಧಿ ಸಾಕಾಗದೆ ಇರುವುದು.
* ಉದ್ಯೋಗ ಕಾಯಂ ಗೊಳಿಸುವ ಮೊದಲು ಅಸೈನ್‌ಮೆಂಟ್‌ ಅಥವಾ ಪ್ರಾಜೆಕ್ಟ್ ಅನ್ನು ಪೂರ್ಣಗೊಳಿಸಬೇಕಿರುವುದು.
* ಉದ್ಯೋಗಿಯ ಕೆಲಸದ ರೀತಿಯಲ್ಲಿಅನಿಶ್ಚಿತತೆ ಅಥವಾ ಏರುಪೇರು ಇರುವುದು.
ಈ ಅವಧಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವುದು ಹೇಗೆ?
ನೀವು ದೃಢಸಂಕಲ್ಪ ಹೊಂದಿದ್ದರೆ ಪ್ರೊಬೆಷನರಿ ಅವಧಿಯನ್ನು ಪೂರ್ಣಗೊಳಿಸುವುದು ಕಷ್ಟವೇನಲ್ಲ. ಇದಕ್ಕಾಗಿ ಈ ಮುಂದಿನ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಿ.
* ಅವಲೋಕಿಸಿರಿ ಮತ್ತು ಕಲಿಯಿರಿ
ಎಷ್ಟು ಸಾಧ್ಯವೋ ಅಷ್ಟು ಕೆಲಸದ ಅನುಭವ ಪಡೆಯುವುದು ನಿಮ್ಮ ಪ್ರೊಬೆಷನರಿ ಅವಧಿಯ ಪ್ರಮುಖ ಉದ್ದೇಶವಾಗಿರಲಿ. ನಿಮ್ಮ ಕಿವಿಗಳು ಮತ್ತು ಕಣ್ಣುಗಳು ಸದಾ ತೆರೆದಿರಲಿ ಮತ್ತು ಸದಾ ಕಲಿಯಲು ಆಸಕ್ತಿ ವಹಿಸಿ. ಕಂಪನಿಯ ನಿಯಮಗಳು ಮತ್ತು ಮಾನದಂಡಗಳನ್ನು ಸರಿಯಾಗಿ ಅರ್ಥಮಾಡಿಕೊಳ್ಳಿರಿ. ಕಂಪನಿಯಲ್ಲಿಕೆಲವೊಂದು ಅಲಿಖಿತ ನಿಯಮಗಳು ಇರುತ್ತವೆ, ಇವುಗಳನ್ನೂ ಅರ್ಥಮಾಡಿಕೊಳ್ಳಿ. ನಿಮ್ಮ ಸೂಪರ್‌ವೈಸರ್‌ಗಳು ಮತ್ತು ಸಹೋದ್ಯೋಗಿಗಳು ಏನು ಹೇಳುತ್ತಾರೆ ಎನ್ನುವುದನ್ನು ಕೇಳಿಸಿಕೊಳ್ಳಿರಿ.
* ಆರೋಗ್ಯಕಾರಿ ಮತ್ತು ಸಕಾರಾತ್ಮಕ ಮನೋಭಾವ
ಈ ಅವಧಿಯಲ್ಲಿನಿಮ್ಮ ಪ್ರತಿಯೊಂದು ನಡತೆಯನ್ನೂ ಉದ್ಯೋಗದಾತರು ಗಮನಿಸುತ್ತಿರಬಹುದು. ಇದು ನಿಮಗೆ ಒಂದಿಷ್ಟು ಒತ್ತಡ ತರಬಹುದು. ಆದರೆ, ಇದರಿಂದ ನೀವು ಉತ್ಸಾಹ ಕಳೆದುಕೊಳ್ಳಬೇಡಿ. ಯಾವತ್ತೂ ಸಕಾರಾತ್ಮಕ ಮನೋಭಾವನೆಯಿಂದ ಇರಿ. ನಿಮ್ಮ ಕೆಲಸದ ಉತ್ಸಾಹವೇ ನಿಮಗೆ ವರವಾಗಬಹುದು.
* ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸಿ
ಈಗಾಗಲೇ ಹೇಳಿದಂತೆ ಪ್ರೊಬೆಷನರಿ ಅವಧಿಯಲ್ಲಿನೀವು ಫಸ್ಟ್‌ ಇಂಪ್ರೆಷನ್‌ ಮೂಡಿಸಲು ಯಶಸ್ವಿಯಾಗಬೇಕು. ಉತ್ಸಾಹ ತೋರಿಸಿ, ನೀವೇ ಉಪಕ್ರಮಗಳನ್ನು ತೆಗೆದುಕೊಳ್ಳಿ. ಸದಾ ವೃತ್ತಿಪರವಾಗಿರಿ. ಅಂದರೆ, ಸರಿಯಾದ ಸಮಯಕ್ಕೆ ಆಫೀಸ್‌ಗೆ ಬರುವುದು, ಆಫೀಸ್‌ ಡ್ರೆಸ್‌ಕೋಡ್‌ ಅನ್ನು ಸರಿಯಾಗಿ ಪಾಲಿಸುವುದು, ಸಂಘಟಿತರಾಗಿರುವುದು ಮತ್ತು ಎಲ್ಲರೊಂದಿಗೆಯೂ ವಿನಮ್ರತೆಯ ಮನೋಭಾವ ನಿಮ್ಮಲ್ಲಿಇರಲಿ.
* ಸಹೋದ್ಯೋಗಿಗಳ ಜೊತೆ ಕನೆಕ್ಟ್ ಆಗಿರಿ
ಸಹೋದ್ಯೋಗಿಗಳು ಮತ್ತು ಹಿರಿಯ ಉದ್ಯೋಗಿಗಳ ಜೊತೆ ಉತ್ತಮ ಬಾಂಧವ್ಯ ಇರಲಿ. ಇದರಿಂದ ನೆಟ್‌ವರ್ಕ್‌ ಬೆಳೆಸಲು ಸಹಕರಿಸುವುದು ಮಾತ್ರವಲ್ಲದೆ ನಿಮ್ಮ ಇಂಟರ್‌ಪರ್ಸನಲ್‌ ಕೌಶಲ ಉತ್ತಮಪಡಿಸಲೂ ಸಹಕಾರಿ. ಆದರೆ, ಆಫೀಸ್‌ನಲ್ಲಿನಡೆಯುವ ಕೆಟ್ಟ ಗಾಸೀಪ್‌ಗಳಲ್ಲಿಭಾಗಿಯಾಗಬೇಡಿ.
* ಟೀಕೆಗಳನ್ನು ಮುಕ್ತವಾಗಿ ಸ್ವೀಕರಿಸಿ
ಏನಾದರೂ ಟೀಕೆಗಳು ಎದುರಾದರೆ ಎದೆಗುಂದದೆ ಇರಿ. ಕಂಪನಿಯು ನಿಮ್ಮಿಂದ ಏನು ನಿರೀಕ್ಷೆ ಮಾಡುತ್ತದೆ ಎಂದು ತಿಳಿದುಕೊಳ್ಳಲು ಇದು ಸೂಕ್ತವಾಗಿದೆ. ಮತ್ತಷ್ಟು ಕಠಿಣ ಪರಿಶ್ರಮಪಟ್ಟು ನಿಮ್ಮನ್ನು ನೀವು ಪ್ರಗತಿ ಮಾಡಿಕೊಳ್ಳಿ.
* ನಿಮ್ಮ ಪ್ರಗತಿಯತ್ತ ಗಮನವಿಡಿ
ನಿಮ್ಮ ಕಲಿಕೆಯು ಮೇಲ್ಮುಖವಾಗಿದೆಯೇ ಎಂದು ಪರಿಶೀಲನೆ ನಡೆಸುತ್ತ ಇರಿ. ನಿಮ್ಮ ಗುರಿ ಸಾಧಿಸಲು ಹೆಚ್ಚು ಕ್ರಿಯಾಶೀಲತೆ ತೋರಿ. ಪ್ರೊಬೆಷನರಿ ಅವಧಿಯಲ್ಲಿಯಶಸ್ಸು ಪಡೆಯಲು ಅಲ್ಪಾವಧಿ ಮತ್ತು ದೀರ್ಘಾವಧಿಯ ಗುರಿಗಳನ್ನು ಹಾಕಿಕೊಳ್ಳಿರಿ. ಒಟ್ಟಾರೆ ನಿಮ್ಮ ಪ್ರೊಬೆಷನರಿ ಅವಧಿಯು ಹೆಚ್ಚು ಅರ್ಥಪೂರ್ಣವಾಗಿರಿಸಿಕೊಳ್ಳಲು ಆದ್ಯತೆ ನೀಡಿ.
