ಸುದ್ದಿಜಾಲ.ಕಾಂ ಇಂದಿನ ವಿಶೇಷ ಕರಿಯರ್ ಮಾರ್ಗದರ್ಶನ ಲೇಖನದಲ್ಲಿ ಉತ್ತಮ ಮ್ಯಾನೇಜರ್ ಆಗಲು ಬಯಸುವವರಿಗೆ ಅಮೂಲ್ಯ ಹತ್ತು ಸಲಹೆಗಳನ್ನು ನೀಡಲಾಗಿದೆ. ಪ್ರತಿಯೊಂದು ಉದ್ಯಮಗಳಲ್ಲಿಯೂ ಹಲವು ಮ್ಯಾನೇಜರ್ಗಳು ಇರುತ್ತಾರೆ. ಆದರೆ, ಅದರಲ್ಲಿ ಅತ್ಯುತ್ತಮ ಮ್ಯಾನೇಜರ್ಗಳು ಅತ್ಯಂತ ಕಡಿಮೆ ಸಂಖ್ಯೆಯಲ್ಲಿ ಇರುತ್ತಾರೆ.
ಪ್ರತಿಯೊಂದು ಕಂಪನಿಯ ಆಡಳಿತವೂ ಅತ್ಯುತ್ತಮ ಮ್ಯಾನೇಜರ್ಗಳನ್ನು ಹೊಂದಲು ಬಯಸುತ್ತದೆ. ಪ್ರತಿಯೊಬ್ಬರ ಉದ್ಯೋಗಿಗಳಿಗೂ ಸೂರ್ತಿ ತುಂಬಿ ಕಂಪನಿಯ ಆದಾಯ ಹೆಚ್ಚಿಸುವ ಮ್ಯಾನೇಜರ್ಗಳನ್ನು ಪ್ರತಿಯೊಂದು ಕಂಪನಿಯೂ ಬಯಸುತ್ತದೆ. ಮ್ಯಾನೇಜ್ಮೆಂಟ್ ಸ್ಕಿಲ್ಗಳ ತರಬೇತಿ ನೀಡುವುದು ಸಾಮಾನ್ಯವಾಗಿದೆ.
ಆದರೆ, ಅತ್ಯುತ್ತಮ ಮ್ಯಾನೇಜರ್ ಆಗುವುದು ಒಂದೇ ರಾತ್ರಿ-ಹಗಲಿನಲ್ಲಿ ಆಗುವ ಘಟನೆಯಲ್ಲ. ಪ್ರತಿದಿನ ನಿಮ್ಮ ಈಗಿನ ಅಭ್ಯಾಸಗಳನ್ನು ಬದಲಿಸುತ್ತ ಸಾಗುವ ಒಂದು ನಿರಂತರ ಪ್ರಕ್ರಿಯೆ. ನೀವು ಅತ್ಯುತ್ತಮ ಮ್ಯಾನೇಜರ್ ಆಗಬೇಕಾದರೆ ಪಾಲಿಸಬೇಕಾದ ಪ್ರಮುಖ ಸಾಮಾನ್ಯ ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ. ಇವು ಮ್ಯಾನೇಜರ್ ಮತ್ತು ಇತರೆ ಉದ್ಯೋಗಿಗಳ ಜೊತೆ ಸಂವಹನ ಮತ್ತು ಸಂಬಂಧವನ್ನು ಉತ್ತಮಗೊಳಿಸುತ್ತದೆ.
1. ನಿಮ್ಮ ಉದ್ಯೋಗಿಗಳ ಬಗ್ಗೆ ತಿಳಿಯಿರಿ
ಉದ್ಯೋಗಿಗಳ ವೈಯಕ್ತಿಕ ಮತ್ತು ವೃತ್ತಿಪರ ಹಂತದ ಕುರಿತು ಕಾಳಜಿ ವಹಿಸಿ. ಉದ್ಯೋಗಿಗಳ ಅವಶ್ಯಕತೆ ಏನು? ತಿಳಿದುಕೊಳ್ಳಿ. ಅವರ ವೈಯಕ್ತಿಕ ಆಸಕ್ತಿಗಳು, ಪ್ಯಾಷನ್ ಮತ್ತು ಕರಿಯರ್ ಗುರಿಗಳನ್ನು ಅರಿತುಕೊಳ್ಳಿ.
2. ಮಾತನಾಡಿ
ನಿಮ್ಮ ತಂಡದ ಜೊತೆ ಬೆರೆಯಲು ಆದ್ಯತೆ ನೀಡಿ. ಪ್ರತಿಯೊಬ್ಬರ ಜೊತೆಗೆ ಸಾಕಷ್ಟು ಸಂವಹನ ನಡೆಸಿ. ಮಾತಿಗೆ ಅದ್ಭುತ ಶಕ್ತಿಯಿದೆ. ಅವರ ಮಾತುಗಳನ್ನು ಕೇಳುವ ತಾಳ್ಮೆ ಇರಲಿ. ನೀವು ಮಾಡುವ ನಿಯಮಗಳನ್ನು ಹೇರುತ್ತ, ಅವರ ಮಾತುಗಳಿಗೆ ಕಿವುಡರಾಗದಿರಿ.
3. ಪ್ರೇರಕರಾಗಿರಿ
ಕಠಿಣ ಪರಿಶ್ರಮಪಟ್ಟು ಕೆಲಸ ಮಾಡಲು ಉದ್ಯೋಗಿಗಳಿಗೆ ಪ್ರೋತ್ಸಾಹ ನೀಡಿ ಮತ್ತು ಕಠಿಣ ಪರಿಶ್ರಮಪಟ್ಟು ಕೆಲಸ ಮಾಡಲು ಒಳ್ಳೆಯ ಕಾರಣ ನೀಡಿ. ಉದ್ಯೋಗಿಗಳಿಗೆ ಸದಾ ಪ್ರೋತ್ಸಾಹ ನೀಡಿ. ತಂಡದೊಂದಿಗೆ ಬೆರೆತು ಒಳ್ಳೆಯ ಉತ್ಪಾದಕತೆ ತರಲು ಪ್ರಯತ್ನಿಸಿ.
4. ನಾಯಕರಾಗಿ
ಕೇವಲ ಮ್ಯಾನೇಜರ್ ಆಗಿ ಉಳಿಯಬೇಡಿ. ಒಳ್ಳೆಯ ನಾಯಕರಾಗಿ. ನಿಮ್ಮ ತಂಡಕ್ಕೆ ಸ್ಪಷ್ಟ ಗುರಿ ಮತ್ತು ನಿರ್ದೇಶನ ನೀಡಿ. ಸಂಸ್ಥೆಯ ಯಶಸ್ಸಿಗೆ ಹೇಗೆ ಕಾರಣರಾಗಬಹುದು ಎಂದು ತೋರಿಸಿ. ನಿಮ್ಮಲ್ಲಿ ನಾಯಕತ್ವಕ್ಕೆ ಸಂಬಂಧಪಟ್ಟ ಎಲ್ಲಾ ಗುಣಗಳೂ ಇರಲಿ.
5. ನಿಮ್ಮ ಪ್ರಗತಿ
ನಿಮ್ಮ ತಂಡದ ಪ್ರಗತಿಗೆ ಮಾತ್ರ ಗಮನ ನೀಡದೆ, ನಿಮ್ಮ ಪ್ರಗತಿಗೂ ಗಮನ ನೀಡಿ. ನಿಮ್ಮ ದೌರ್ಬಲ್ಯ ಮತ್ತು ಸಾಮಥ್ರ್ಯಗಳನ್ನು ಸರಿಯಾಗಿ ಅರಿತುಕೊಳ್ಳಿ. ಪ್ರತಿನಿತ್ಯ ನಿಮ್ಮಲ್ಲಿರುವ ಕೊರತೆಗಳನ್ನು ಹೇಗೆ ಹೋಗಲಾಡಿಸಬಹುದು, ಹೇಗೆ ಇನ್ನಷ್ಟು ಸಾಮಥ್ರ್ಯ ವೃದ್ಧಿಪಡಿಸಬಹುದು ಎನ್ನುವುದರ ಕುರಿತು ಗಮನ ನೀಡಿ.
6. ಕ್ರೆಡಿಟ್ ನೀಡಿ
ಉದ್ಯೋಗಿಗಳು ಮತ್ತು ಅವರ ಕೆಲಸದ ಕುರಿತು ಸಕಾರಾತ್ಮಕವಾಗಿರಿ. ಅವರು ಮಾಡುವ ತಪ್ಪುಗಳನ್ನಷ್ಟೇ ಗಮನಿಸಬೇಡಿ. ಅವರ ಕಠಿಣ ಪರಿಶ್ರಮ, ಟೀಂವರ್ಕ್ ಕುರಿತು ಪ್ರೋತ್ಸಾಹದಾಯಕ ಮಾತುಗಳನ್ನಾಡಿ. ಯಶಸ್ಸು ಬಂದಾಗ ಅದನ್ನು ತಂಡದ ಯಶಸ್ಸು ಎಂದು ತಿಳಿಯಿರಿ. ಅವರ ಯಶಸ್ಸಿನ ಕ್ರೆಡಿಟ್ ಅನ್ನು ನೀವು ತೆಗೆದುಕೊಳ್ಳಬೇಡಿ.
7. ಮನುಷ್ಯರಾಗಿರಿ
ನೀವು ಮ್ಯಾನೇಜರ್ ಆದ ತಕ್ಷಣ ನೀವು ಸೂಪರ್ಹ್ಯೂಮನ್ ಅಲ್ಲ. ನಿಮ್ಮ ತಪ್ಪುಗಳನ್ನು ಒಪ್ಪಿಕೊಳ್ಳಿ, ಅಗತ್ಯಬಿದ್ದರೆ ತಂಡದ ಸಹಾಯ ಪಡೆಯಿರಿ. ಎಲ್ಲರೊಂದಿಗೆ ಒಂದಾಗಿ ಇರಿ. ನೀವು ಪ್ರತ್ಯೇಕವಾಗಿ ಇರುವುದು ಬೇಡ.
9. ಸ್ನೇಹಿತರಂತೆ ಇರಬಹುದು
ಉದ್ಯೋಗಿಗಳ ಜೊತೆ ಸ್ನೇಹಿತರಂತೆ ಮ್ಯಾನೇಜರ್ ಇರಬಹುದು. ನೀವು ಮ್ಯಾನೇಜರ್ ಆಗಿರುವಾಗ ನೀವು ಬಿಂಕ, ಬಿಗುಮಾನದಿಂದ ಇರಬೇಕು ಎಂದೇನಿಲ್ಲ. ಸದಾ ಮುಖ ಸಿಡುಕುತ್ತ ಇರುವ ಅಗತ್ಯವೂ ಇಲ್ಲ. ಅವರೊಂದಿಗೆ ಚಾಟ್ ಮಾಡಿ, ಫನ್ ಮಾಡಿ ಮತ್ತು ಸ್ನೇಹದಿಂದ ಇರಿ.
10. ಸೂಕ್ತ ಉದಾಹರಣೆಯಾಗಿರಿ
ಉದ್ಯೋಗ ಸ್ಥಳದ ನೈತಿಕತೆ ಮತ್ತು ಗೌರವಕ್ಕೆ ಕುತ್ತಾಗದಂತೆ ಕಾರ್ಯನಿರ್ವಹಿಸಿರಿ. ಉದ್ಯೋಗಿ ಅಥವಾ ಮ್ಯಾನೇಜರ್ ಹೇಗೆ ಇರಬೇಕು ಎನ್ನುವುದಕ್ಕೆ ನೀವು ಸೂಕ್ತ ಉದಾಹರಣೆಯಾಗಿರಿ.